خالق آباد میں دو افراد کی لاشیں برآمد جبکہ حب میں خاتون سمیت دو افراد قتل

خالق آباد منگچر کے علاقے بدرنگ ایریا میں دو افراد کی لاشیں برآمد ۔ پولیس ذرائع کے مطابق اطلاع ملتے ہی پولیس کی ٹیم موقع پر روانہ ہوئی اور دونوں لاشوں کو تحویل میں لے کر قریبی مقامی ہسپتال منتقل کر دیا گیا۔ ابتدائی تفتیش کے دوران متوفیان کی جیبوں سے شناختی کارڈ برآمد ہوئے جن کے مطابق ایک کی شناخت قطب علی ولد محمد اکبر، سکنہ شیخری 2 جبکہ دوسرے کی شناخت علی محمد ولد محمد حیات، سکنہ جوہان کے ناموں سے ہوئی ہے ۔ مزید تفتیش جاری ہے اور موت کی وجوہات کا تعین پوسٹ مارٹم رپورٹ کے بعد کیا جائے گا۔ پولیس نے واقعے کے تمام پہلووں کا جائزہ لینا شروع کر دیا ہے اور ضروری قانونی کارروائی مکمل کی جا رہی ہےحب فائرنگ اور تشدد سے خاتون سمیت دو افراد قتل نوجوان زخمی، لاشوں اور زخمی کو اسپتال منتقل کر دیا لیا، ملزمان فرار ہو گئے ۔ اس حوالے سے بتایا جاتا ہے کہ پہلا واقعہ جب شہر کے علاقہ جام کالونی میں پیش آیا جہاں ہفتہ بازار مشکے پاڑہ کے قریب سے ضعف العمر شخص کی تشدد زدہ رضائی میں لپٹی ہوئی لاش برآمد ہوئی ہے پولیس کے مطابق نامعلوم افراد نے مقتول کو تشدد کر کے قتل کرنے کے بعد لاش پھینک دی ہوئے اور فرار ہو گئے دوسرا واقعہ جب شہر ۔ حب شہر کے علاقہ عدالت روڈ پر پیش آیا ہے جس میں شوہر نے فائرنگ کر کے اپنی اہلیہ کو قتل کر دیا اور موقع سے فرار ہوگیا واقعہ گھریلو تنازعہ کا شاخسانہ بتایا جاتا ہے جبکہ بلوچ کالونی میں نامعلوم افراد کی فائرنگ سے پندہ سالہ رحمت اللہ نامی نوجوان زخمی ہو گیا۔ پولیس نے لاشوں اور زخمی کو مزید کاروائی اور شناخت کیلئے اسپتال منتقل کر دیا، واضح رہے کہ حالیہ دنوں جب شہر میں امن و مان کے حوالے سے صورتحال کافی حد تک مخدوش ہو چکی ہے اور حالت پولیس کے قابو سے باہر ہو چکے ہیں پولیس شہریوں کے جان و مال کے تحفظ میں مکمل طور پور نا کام نظر آرہی ہے ۔