جعفر ایکسپریس حملہ: دہشتگردوں کی جو لاشیں نا قابلِ شناخت تھی ان کو امانتاً دفنایا گیا ۔ سرفراز بگٹی

کوئٹہ : وزیراعلی بلوچستان میر سرفراز بگٹی کی وفاقی وزرا کے ہمراہ میڈیا سے بات چیت کرتے ہوئے کہا ہے کہ جعفر ایکسپریس حملے میں مارے گئے نا معلوم دہشتگردوں کو ایدھی فاؤنڈیشن کے ذریعے دفنایا ہے ، جو لاشیں نا قابل شناخت ہیں ان کو امانتاً دفنایا گیا ہے، جن لاشوں کی شناخت ہو رہی ان کو قانونی طریقوں سے ورثاء وصول کریں، ریاست کیخلاف جنگ شروع کی گئی یہ غیر معمولی حالات ہیں، دہشتگردوں کو نتائج کا سامنا کرنا پڑیگا، یہ لوگ پاکستان توڑنا چاہتے ہیں۔وفاقی اور صوبائی حکومت عام شہریوں کو مشکلات میں نہیں ڈالنا چاہتی، بلوچستان کیلئے وزیر اعظم کے اقدامات کو جاری رکھیں گے، وفاقی وزرا سے ملاقات ہوئی ہے جس میں 47 نکات پر بات ہوئی ہے، ہر دو ماہ بعد وفاقی وزرا آئیں گے اجلاس ہوگا، وفاق کی جانب سے ٹیوب ویل سولر منصوبے کے فنڈز اپریل تک مل جائیں گے ۔ وفاقی وزیر خزانہ، وفاقی وزیر توانائی سردار اویس لغاری پریس کانفرنس میں موجود تھے