خاران فائرنگ کے مختلف واقعات میں ایک شخص ہلاک اور ایک زخمی ۔

خاران: فائرنگ کے دو مختلف واقعات میں ایک شخص ہلاک، ایک زخمی خاران میں دو مختلف مقامات پر نامعلوم مسلح افراد نے فائرنگ کرکے ایک شخص کو قتل اور ایک کو زخمی کردیا ہے۔ تفصیلات کے مطابق گریڈ اسٹیشن کے پاس نامعلوم مسلح افراد کی فائرنگ سے کلی بنگلزئی کے رہائشی انیس ولد گل محمد بنگلزئی کو قتل کردیا، جبکہ خاران شہر میں پرانے ہسپتال کے سامنے نامعلوم مسلح افراد کی فائرنگ سے نادر ولد ملک محمد یلانزئی کو زخمی کردیا۔ زخمی نادر یلانزئی کو ابتدائی طبی امداد کے لیے خاران ڈی ایچ کیو ہسپتال منتقل کیا گیا، جہاں سے مزید علاج کے لیے کوئٹہ منتقل کر دیا گیا۔ پولیس نے دونوں واقعات کی تفتیش شروع کر دی ہے تاہم واقعات کے محرکات تاحال معلوم نہیں ہوسکے ہیں۔