سردار اختر جان مینگل کی قیادت میں وڈھ سے کوئٹہ لانگ مارچ کا

سردار اختر جان مینگل کی قیادت میں وڈھ سے کوئٹہ لانگ مارچ کا اعلانکوئٹہ میں موجود مرکزی کابینہ ، سینٹرل ایگزیکٹو کمیٹی کے ممبران ، سینئر دوستوں کا ہنگامی اجلاس پارٹی کے سینئر نائب صدر ساجد ترین ایڈووکیٹ کی رہائش گاہ پر منعقد ہوا اجلاس میں بی این پی کے مرکزی ڈپٹی سیکرٹری جنرل ملک نصیر شاہوانی، مرکزی سیکرٹری اطلاعات آغا حسن بلوچ، مرکزی فنانس سیکرٹری اختر حسین لانگو، مرکزی لیبر سیکرٹری موسیٰ بلوچ، مرکزی نشریات سیکرٹری قدوس کرد مرکزی ایگزیکٹو ممبران غلام نبی مری، حاجی باسط لہڑی، ثنا بلوچ، جمال مینگل، چیئرمین جاوید بلوچ، ٹکری شفقت لانگو، چیئرمین واحد بلوچ فتح علی زئی مرکزی سیکرٹری جنرل بی ایس او سمند بلوچ، مرکزی سیکرٹری اطلاعات بی ایس او شکور بلوچ، میر مقبول لہڑی، حاجی وحید لہڑی اور دیگر نے شرکت کی اجلاس میں ڈاکٹر ماہ رنگ بلوچ ، سیمی دین سمیت بلوچ خواتین و نوجوانوں پر ظلم و بربریت، جبر و تشدد کی شدید الفاظ میں مذمت کی گئی اور کہا گیا کہ بلوچستان کے مثبت روایات کو آئے روز پاﺅں تلے روندا جا رہا ہے موجودہ حالات میں بلوچستان نیشنل پارٹی قومی جماعت ہونے کے ناطے اپنی سیاسی ذمہ داروں کا ادراک کرتے ہوئے پارٹی احتجاجی شیڈول کا باقاعدہ اعلان کر رہے ہیں شیڈول کے مطابق 25مارچ کو بلوچستان بھر میں شٹر ڈاﺅن ہڑتال کیا جائے گا اسی طرح 26مارچ کو بلوچستان بھر میں پریس کلبز کے سامنے احتجاجی مظاہرے کئے جائیں گے جبکہ جمعہ28مارچ کو پارٹی قائد سردار اختر جان مینگل کی قیادت میں وڈھ تا کوئٹہ لانگ مارچ کا آغاز کیا جائیگا اجلاس میں کہا گیا کہ احتجاجی شیڈول کا مقصد یہ ہے کہ ماہ رنگ بلوچ و دیگر خواتین ، نوجوانوں و بیٹیوں کے اغواء، بے بنیاد مقدمات کا مقدمات کو واپس لیا جائے چادر و چار دیواری کے تقدس کی پامالی پورے بلوچستان میں غم و غصہ پایا جاتا ہے بی این پی کے تمام اضلاع کے صدور ، جنرل سیکرٹریز ، ڈپٹی یونٹ سیکرٹریز ، کارکنوں کو ہدایت کی گئی ہے کہ شٹر ڈاﺅن ہڑتال ، مظاہروں اور لانگ مارچ میں اپنی شرکت کو یقینی بنائیں اور عوام سے قریبی روابط رکھیں اجلاس میں ترقی پسند ، قوم دوست سیاسی جماعتوں ، عوام سے اپیل کی گئی ہے کہ وہ بلوچستان کے مخدوش صورتحال میں اپنا قومی کردار ادا کریں –