سینٹ قائمہ کمیٹی برائے داخلہ نے پیکا ترمیمی بل منظور کر لیا ۔

اسلام آباد : سینیٹ کی قائمہ کمیٹی برائے داخلہ نے پیکا کا ترمیمی بل کی منظوری دے دی۔ صحافتی تنظیموں اور جے یو آئی کے سینیٹر کامران مرتضی نے بل کی مخالفت کی جبکہ سینیٹر عرفان صدیقی نے واضح کیا ہے کہ صحافیوں کا تحفظ بھی کرنا ہے، اگر قانون کا رخ صحافیوں کی طرف آئے گا تو ان کے ساتھ کھڑے ہوں گے۔ سینٹر فیصل سلیم رحمن کی زیر صدارت سینیٹ کی قائمہ کمیٹی برائے داخلہ کا اجلاس ہوا جس میں پریکا ترمیمی بل پر بحث ہوئی ، صحافتی تنظیموں نے بل کی مخالفت کی۔ چیئرمین کمیٹی نے صحافتی تنظیموں کی جانب سے تحریری سفارشات پیش نہ کرنے پر اعتراض کیا، چیئرمین کمیٹی نے کہا کہ صحافتی تنظیموں کو اپنی تحریری سفارشات کمیٹی میں رکھنی چاہیے تھیں۔ سینیٹ عرفان صدیقی نے کہا کہ اس ملک میں کسی کو ہتھکڑیاں لگانے کیلیے ضروری نہیں کہ کسی قانون کی ضرورت ہو، انہیں خود کرایہ داری کے قانون کے تحت پکڑا گیا تھا۔ جے یو آئی کے سینیٹر کامران مرتضی نے پر کا بل کی کی مخالفت کرتے ہوئے کہا کہ اتنی جلدی میں کیوں منظور کیا جا رہا ہے، بل میں بہت سی کمزوریاں ہیں، فیک نیوز کی تشریح نہیں کی گئی کیسے فیصلہ ہوگا کہ فیک نیوز کیا ہے، جو ایسے متنازع قوانین کی بنیاد رکھتا ہے وہی اس کی زد میں آجاتا ہے۔