لاہور اسلام آباد بس سروس بحالی کے لیے بس مالکان سے بات چیت جاری ہے ۔ ترجمان حکومت بلوچستان شاہد رند ،

ترجمان بلوچستان حکومت شاہد رند نے کہا کہ لاہور ،اسلا آباد بس سروس کی بحالی کے لیے بس مالکان سے بات چیت جاری ہے انھوں نے کہا کہ بلوچستان اور خیبر پختونخوا بارڈر پر ٹرانسپورٹرز کے بعض تحفظات ہیں ۔قابل حل انتظامی مسائل دونوں صوبوں کی مشاورت سے طے کیے جائیں گے، ٹرانسپورٹرز پر واضح کیا ہے کہ پبلک ٹرانسپورٹ میں غیر قانونی اشیاء کی اسمگلنگ ناقابل قبول ہےایڈیشنل چیف سیکرٹری داخلہ، کمشنر کوئٹہ اور ڈپٹی کمشنر کوئٹہ کے ٹرانسپورٹرز سے مذاکرات ہوئے۔ٹرانسپورٹرز کے کچھ مطالبات وفاقی اداروں سے متعلق ہیں، متعلقہ حکام سے بات چیت کریں گے ۔ٹرانسپورٹرز کے جائز تحفظات متعلقہ محکموں کے سامنے رکھیں گے ۔ٹرانسپورٹر کا ایک مطالبہ ژوب کے علاقے میں گزشتہ روز مشتعل ہجوم کے ہاتھوں جلائی جانے والی بس کے معاوضے سے متعلق بھی ہے ۔اس متعلق کمشنر ژوب ڈویژن سے رابطہ کیا جاررہا ہے ، ٹرانسپورٹرز سے بات چیت جاری ہے، قابل عمل مطالبات پر عمل درآمد کے لئے سنجیدہ ہیں ۔