پاکستان میں عیدالفطر کب ہوگی ،محکمہ موسمیات نے پیشگوئی کردی ۔

پاکستان میں عیدالفطر کے حوالے سے محکمہ موسمیات نے اہم پیشگوئی کردی، جس کے مطابق عید الفطر 31 مارچ کو ہوگی۔ماہ شوال کا چاند 29 مارچ کو تین بج کر 58 منٹ پر پیدا ہوگا، 30 مارچ اور 29 رمضان کو رویت ہلال کمیٹی کا اجلاس ہوگا، اجلاس کے وقت چاند کی عمر 27 گھنٹے ہوگی۔محکمہ موسمیات کے فوکل پرسن انجم نذیر زیگم کے مطابق ماہ شوال کا چاند آسانی سے دیکھا جا سکے گا۔غروب آفتاب اور غروب قمر کے درمیان تقریباً ایک گھنٹے کا فرق ہے، چاند ایک گھنٹے تک دیکھا جا سکے گا، 30 مارچ کو چاند نظر آ جائے گا، اس طرح یکم شوال 31 مارچ کو ہوگی۔انجم نذیر زیگم نے کہا کہ ماہ شوال کے چاند کا حتمی اعلان مرکزی رویت ہلال کمیٹی کرے گی، جبکہ عید الفطر پر کراچی کا درج حرارت 36 سے 37 ڈگری سینٹی گریڈ رہے گا۔