کرپٹو کرنسی ، چوری کی بڑی واردات ۔ ہیکرز ڈیڑھ ارب ڈالرز چرا لیئے ۔

دبئی سے تعلق رکھنے والے کرپٹو پلیٹ فارم کے مطابق ایک ہیکر نے Ethereum نامی ڈیجیٹل کرنسی کے ایک والٹ کا کنٹرول حاصل کرکے اس کا مواد نامعلوم ایڈریس میں منتقل کر دیا۔بائی بٹ کے شریک بانی اور چیف ایگزیکٹو Ben Zhou نے ایک ایکس (ٹوئٹر) پوسٹ میں کہا کہ اگر ہیک ہوئی ڈیجیٹل کرنسی کو واپس حاصل کرنے میں ناکامی ہوئی تو بھی کمپنی کی جانب سے صارفین کو مکمل ادائیگی کی جائے گی۔انہوں نے مزید بتایا کہ کمپنی کے پاس صارفین کے 20 ارب ڈالرز کے اثاثے ہیں اور ہم نقصان کی تلافی کرنے کی پوری صلاحیت رکھتے ہیں۔ایک تخمینے کے مطابق دنیا بھر سے تعلق رکھنے والے 6 کروڑ سے زائد افراد بائی بٹ کی سروسز کو استعمال کرتے ہیں اور یہ دنیا کا دوسرا بڑا کرپٹو کرنسی ایکسچینج پلیٹ فارم ہے۔Ben Zhou نے کہا کہ ہیکنگ واقعے کے بعد ساڑھے 3 لاکھ سے زائد صارفین نے اپنے فنڈز کو نکالنے کی درخواستیں ارسال کی ہیں، مگر اتنی زیادہ درخواستوں کے باعث اس عمل کو مکمل کرنے میں وقت لگے گا۔ان کے مطابق ہیکر نے سکیورٹی کنٹرولز کی کمزوری کا فائدہ اٹھا کر وہ اثاثے کہیں اور منتقل کردیے۔کمپنی کی جانب سے اعلان کی گیا ہے کہ جو سائبر سکیورٹی ماہرین ہیک ہونے والے فنڈ کو ریکور کرنے میں مدد فراہم کریں گے انہیں اس رقم کا 10 فیصد حصہ انعام کے طور پر دیا جائے گا جو کہ 14 کروڑ ڈالرز تک اس صورت میں ہوسکتا ہے اگر وہ ماہر پوری رقم واپس حاصل کرنے میں کامیاب ہوجائے۔