کوئٹہ: عدالت نے سیکرٹری داخلہ کو فورتھ شیڈول کے کیس میں طلب کر لیا ۔

کوئٹہ : بلوچستان ہائی کورٹ میں بی ایس او کے مرکزی چیئر مین بالاچ قادر، مرکزی سیکرٹری جنرل صمند بلوچ اور مرکزی سیکرٹری اطلاعات شکور بلوچ کی جانب سے فورتھ شیڈول کے خلاف لگائے جانے والے پیٹیشن کی آج دوسری سماعت ہوئی ۔ کیس کی پیروی ممتاز قانون دان و سینیئر وکیل ایڈوکیٹ جمیل رمضان، ایڈوکیٹ کامران چتائی اور ان کی ٹیم کر رہے تھے۔سماعت کے دوران ایڈوکیٹ جمیل رمضان نے اپنے دلائل پیش کرتے ہوئے کہا کہ فورتھ شیڈول میں بنا کسی ثبوت اور ٹھوس وجوہات کے بی ایس او کے مرکزی قائدین سمیت سینکڑوں طلباء و سیاسی کارکنوں کا نام فورتھ شیڈول میں ڈال کر انہیں روزانہ کے بنیاد پر تھانوں میں حاضری کے لئے بلوا کر ہراساں کیا جا رہا ہے جس سے طلبا کے تعلیمی سال سمیت نظام زندگی مفلوج ہو کر رہ گئی ہے ۔بلوچستان ہائی کورٹ کے حج عبداللہ بلوچ نے طلباء کو ہراساں کرنے اور ان کے نام فورتھ شیڈول میں ڈالنے پر اگلے اگلے شنوائی کو سیکرٹری ہوم بلوچستان کو عدالت طلب کر لیا